Piztu da piztia!

PIZTU DA PIZTIA!

Piztia hirira iritsi da
haren atzean dena erraustuta
hiritarrak ikarak jota daude
jendea korrika, ihesi doa.
Giza belarriek inoiz entzundako
Orro gorgarri eta latzena,
giza begiek inoiz ikusitako
piztiarik kontrolaezinena.

PIZTU DA PIZTIA!

Piztia hirira iritsi da
etxe-orratzak infernura bidaliz,
gomadun ilezko exekutiboak
haren haginen artean murtxikatuz.
Polizi auto zapalduak
tanke eta F-18 antzuak,
alerta gorria komunikabideetan:
argiak, kamerak eta sua!

PIZTU DA PIZTIA!

Hor dator zuen bakea!
Hor dator zuen sorkuntza.
Har ezazue zuen sendagaia.

PIZTU DA PIZTIA!

Goseak kolpeak itzultzen dituelako
zapalkuntzak kolpeak itzultzen dituelako
balek gehiago koleratzea lortzen dute bakarrik
ezerk ezin du eroturiko piztia gelditu.

PIZTU DA PIZTIA!

Zuek eragindako gorrotoa mila aldiz biderkatuko da.
Zuek eragindako gorrotoa piztietan bilakatuko da.

Piztu da piztia, Kuraia